भारतको पश्चिम बंगालमा रेल दुर्घटना,आठको मृत्यू

 

४ असार,झापा

भारतको पश्चिम बंगालको न्यू जलपाईगुडिमा यात्रुबाहक रेल दुर्घटनामा परेको छ। दुर्घटनामा सियालदह हिडेको कञ्चनजगा एक्सप्रेस रेललाई एउटा मालबाहक ट्रेनले पछाडीबाट ठक्कर दिएको हो।

कोलकाताको सियालदह जाँदै गरेको कञ्चनजंघा एक्सप्रेस र न्यू जलपाईगुडी तिर आउँदै गरेको मालवाहक रेल बिहान साढे ९ बजे एक आपसमा ठक्कर खाएका हुन् ।

दुर्घटनामा कञ्चनजङ्गा एक्सप्रेसको कयौं डिब्बा पटरीबाट झरेको छ भने आठजना यात्रुको मृत्यू भएको र केही घाईते भएको जनाईएको छ । 

घाईतेहरुको उद्धार तथा उपचार भै रहेको भारतीय संचार माध्यमहरुले जनाएको हो।

दार्जिलिङ जिल्लाका निमित्त प्रहरी प्रमुख अभिशेख रायले घटनाको पुष्टि गर्दै दुई दर्जन बढी यात्रु घाइते भएको जनाए।