Sarju online

१६ माघ,झापा झापा बिर्तामोड–३ स्थित डोमालाल राजबंशी रंगशालामा आगामी माघ २४ गतेदेखि सञ्चालन हुने सातौँ संस्करणको ऐतिहासिक स्व.बिनोद बस्नेत स्मृति झापा गोल्डकप फुटबल प्रतियोगिताको मुख्य प्रायोजकसँगको हस्ताक्षर कार्यक्रम आज सम्पन्न भएको छ। झापा बिर्तामोडस्थित अतिथि सदनमा सञ्चारकर्मीहरुलाई जानकारी दिने उद्देश्यले आयोजना गरिएको कार्यक्रममा यस संस्करणको मुख्य प्रायोजकको रूपमा एग्रो थाई फुड्स प्रालिको उत्पादन ‘एक्सिट्रिम इनर्जी ड्रिंक्स’ रहने जानकारी गराइएको हो। एग्रो थाई फुड्सको तर्फबाट कन्ट्री मेनेजर पवन श्रेष्ठ र झापा गोल्डकपको तर्फबाट अध्यक्ष केदार गिरीले सहमति पत्रमा आजै हस्ताक्षर गर्नुभएको छ। सहमति पत्रमा हस्ताक्षर पश्चात अध्यक्ष गिरीले यो सातौँ संस्करणको झापा गोल्डकप विगतको पाँचौँ र छैठौँ संस्करणलाई ऐतिहासिक रूपमा सफल बनाउने नेतृत्वदायी भूमिका निर्वाह गर्नुहुने पूर्व अध्यक्ष स्वर्गीय बिनोद बस्नेतको स्मृतिमा समर्पित रहेको बताउनुभयो। पुरस्कार राशी वृद्धि,विजेतालाई १५ लाख अध्यक्ष गिरीका अनुसार यस वर्ष झापा गोल्डकपको पुरस्कार राशी वृद्धि गरिएको छ। जसअनुसार विजेता टिमले रु. १५ लाख र उपविजेता...

  ९ माघ,बिर्तामोड बिर्तामोड–१०,बिराटपोखरमा अवस्थित बिष्णु भगवती स्मार्ट स्कूलमा आज विद्याकी देवी सरस्वती माताको भव्य पूजाआजा तथा विशेष धार्मिक कार्यक्रम सम्पन्न भएको छ। ज्ञान,कला र विद्या प्राप्तिको कामनासहित आयोजना गरिएको सरस्वती पूजाको अवसरमा विद्यालयले कक्षा PG नर्सरीदेखि कक्षा IX सम्मका लागि निःशुल्क भर्ना अभियानको औपचारिक रूपमा शुभारम्भ गरेको हो। विद्यालयका संस्थापक प्रिन्सिपल पूण्य प्रसाद उप्रेतीका अनुसार समाजका सबै वर्गका बालबालिकालाई गुणस्तरीय, व्यवहारिक र आधुनिक शिक्षा सहज रूपमा उपलब्ध गराउने उद्देश्यले निःशुल्क भर्ना अभियान सञ्चालन गरिएको बताउनुभयो। उहाँले शिक्षालाई केवल पाठ्यपुस्तकमा सीमित नराखी जीवन उपयोगी सीप र नैतिक मूल्यसहितको शिक्षामा विद्यालय प्रतिबद्ध रहेको उल्लेख गर्नुभयो। कार्यक्रमअन्तर्गत विद्यालय प्राङ्गणमा स्थापना गरिएको विद्याकी देवी सरस्वती माताको मूर्तिमा विशेष पूजारी पुष्पलाल भट्टराईले वैदिक परम्परा अनुसार विधिवत पूजा सम्पन्न गराउनुभएको थियो। पूजामा विद्यालय व्यवस्थापन समितिका अध्यक्ष विष्णु दाहाल उप्रेती,शिक्षक–कर्मचारी,विद्यार्थी,अभिभावक तथा स्थानीयवासी...

माघ,५ झापा नेपाल तामाङ्ग धेदुङ्ग नगर कार्य समिति बिर्तामोडको आयोजनामा मञ्जुश्री सम्बत २८६२ ताल्हो (घोडा वर्ष) राष्ट्रिय महान पर्व सोनाम ल्होसार बिर्तामोड–४ स्थित नमो बौद्ध गुम्बा परिसरमा विविध सांस्कृतिक कार्यक्रम र शुभकामना आदान–प्रदानसहित भव्य रूपमा सम्पन्न भएको छ। कार्यक्रम नेपाल तामाङ्ग धेदुङ्ग बिर्तामोड नगर समितिका अध्यक्ष विजय गोले तामाङ्गको अध्यक्षता तथा बिर्तामोड नगरपालिकाका नगर प्रमुख पवित्रा महतरा प्रसाईको प्रमुख आतिथ्यतामा सम्पन्न भएको हो। उद्घाटन समारोहमा नगर प्रमुख प्रसाईले पानसमा दीप प्रज्वलन गर्नुभएको थियो भने गुम्बाका प्रमुख पुजारी रामसिंह घिसिङ्गद्वारा विधिवत पूजापाठ र १०८ दीप प्रज्वलन गरिएको थियो। आयोजक समितिका महासचिव गणेश तामाङ्गले आर्थिक वर्ष २०८२/८३ मा गुम्बाका लागि कोशी प्रदेश सरकारबाट प्राप्त १३ लाख र बिर्तामोड नगरपालिकाबाट प्राप्त ३ लाख गरी जम्मा करिव १६ लाख रुपैयाँको योजना ल्होसार लगत्तै कार्यान्वयनमा जाने जानकारी दिनुभयो। साथै गुम्बाका लागि थप जग्गा आगामी चार महिनाभित्र खरिद गरिने र हालसम्म ११ लाख ८ हजार रुपैयाँ संकलन भइसकेको पनि उहाँले बताउनुभयो। शुभकामना मन...

३० पौष,झापा  नेपाल मगर संघ झापाको आयोजना तथा नेपाल मगर विद्यार्थी संघ झापाको व्यवस्थापनमा “मगरात सभ्यता सहितको समृद्ध समाज” भन्ने मूल नारासहित मगर जातिको महान पर्व माघे सकराती तथा मिनाम ल्हेस–५०१९ (नयाँ वर्ष) बिर्तामोड–३ स्थित डोमालाल राजवंशी रंगशालामा भव्य रूपमा सम्पन्न भएको छ। कार्यक्रम नेपाल मगर संघ बिर्तामोड नगर समितिका अध्यक्ष कर्ण सारु मगरको अध्यक्षता तथा निर्वतमान उपसभामुख इन्दिरा राना मगरको प्रमुख आतिथ्यतामा सम्पन्न भएको हो। कोशी प्रदेश सभासद् कमला मगर कार्यक्रमकी विशिष्ट अतिथि रहनुभएको थियो। प्रमुख अतिथि इन्दिरा राना मगरले दीप प्रज्वलन गरी कार्यक्रमको उद्घाटन गर्नुभएको थियो। कार्यक्रममा विशिष्ट अतिथि कमला मगर,नेपाल मगर संघका पूर्व प्रदेश सचिव शिवम सोराली मगर,नेपाल आदिवासी जनजाति महासंघ नगर समन्वय परिषद् बिर्तामोडका अध्यक्ष दीपेन्द्र चौधरी,नेपाल मगर संघ झापा जिल्ला अध्यक्ष विकास थापा मगर लगायतले शुभकामना मन्तव्य राख्नुभएको थियो। मन्तव्यका क्रममा प्रमुख अतिथि राना मगरले ‘जेन–जी’ आन्दोलनले युवाहरूमा चेतना र परिवर्तनको भावना ल्याएको उल्लेख गर्दै नयाँ सोच र परिवर्तनलाई आत्मसात्...

झापा पौष,२९ सभामुख देवराज घिमिरेको आयोजनामा आज झापाको बिर्तामोड नगरपालिका परिसरमा झापा जिल्ला निर्वाचन क्षेत्र नं. २ केन्द्रित उपलब्धी र योजना सम्बन्धी अन्तरक्रिया कार्यक्रम सम्पन्न भएको छ। विभिन्न सञ्चारमाध्यमका सञ्चारकर्मी तथा जिल्लाका विशिष्ट व्यक्तित्वहरूको सहभागितामा कार्यक्रम सम्पन्न भएको हो। कार्यक्रममा कोशी प्रदेश खानेपानी तथा सिंचाई मन्त्री चिन्तन पाठक, बिर्तामोड नगरपालिका मेयर पवित्रा महतरा प्रसाई, उपमेयर नगेन्द्र संग्रौला, पूर्व कोशी प्रदेश राष्ट्रिय सभा सदस्य हरिचरण शिवाकोटी, पूर्व सांसद प्रेम गिरी, पूर्व झापा जिल्ला समन्वय  सभापति सोमनाथ पोर्तेल, नेकपा एमाले बिर्तामोड नगर अध्यक्ष सुबास भट्टराई, नेपाल पत्रकार महासंघ कोशी प्रदेश उपाध्यक्ष अम्बिका भण्डारी, सदस्य राजकुमार ओली, झापा उपाध्यक्ष सुब्रत न्यौपाने, सचिव प्रदिप परियार लगायतको उपस्थिति रहेको थियो। कार्यक्रममा सभामुख घिमिरेले आफू २०७९ साल मंसिर ४ गते सम्पन्न निर्वाचनबाट संसदमा निर्वाचित भई माघ ५ गतेदेखि सभामुख पदमा पदबहाली गरेको जानकारी दिँदै पाँच वटा फरक–फरक सरकारसँग सहकार्य गर्दै आएको बताए। उनले गत भदौ २३ र २४ गते...

 झापा, १९ पुस नेत्रहिन संघ झापाको आयोजनामा २१७ औँ लुइस ब्रेल जन्मजयन्ती तथा नवौँ विश्व ब्रेल दिवस विभिन्न कार्यक्रमसहित भव्य रूपमा सम्पन्न भएको छ। संघका अध्यक्ष होमनाथ राजबंशीको सभापतित्व तथा बिर्तामोड नगरपालिकाका नगर उपप्रमुख नगेन्द्र संग्रौलाको प्रमुख आतिथ्यतामा सम्पन्न कार्यक्रममा ब्रेल लेखन प्रतियोगिता, खेलकुद, सेतो छडी वितरण तथा न्यानो कपडा वितरण कार्यक्रम समावेश गरिएको थियो। कार्यक्रममा उद्योग वाणिज्य संघका उपाध्यक्ष जीवन खड्का, सल्लाहकार प्रेमप्रकाश सिटौला, पञ्चकन्या महिला समूहकी अध्यक्ष यादवकुमारी तिम्सिना, कियाचु झापा जिल्ला सचिव भीममाया नेम्बाङ, समाजसेवीहरू मिना राई, यसोदा खड्का, कुसुम राईलगायतको उल्लेखनीय उपस्थिति रहेको थियो। कार्यक्रममा प्रमुख अतिथि लगायतले शुभकामना सन्देश व्यक्त गर्नुभयो । कार्यक्रमको स्वागत मन्तव्य समितिका उपाध्यक्ष उत्तम खतिवडाले व्यक्त गर्नुभएको थियो भने कार्यक्रम सञ्चालन सचिव दिलकुमार राजबंशीले गर्नुभएको थियो। ब्रेल लेखन प्रतियोगितामा सुस्मा ढुङ्गेल प्रथम, अस्मिनी काफ्ले द्वितीय र पवित्रा तामाङ तृतीय स्थान हासिल गर्न सफल भए। औपचारिक कार्यक्रमपछि आय...

१९ पुष,बिर्तामोड बिर्तामोड–१० स्थित बिराटपोखर महिला समूहको आठौँ वार्षिक साधारण सभा तथा तेस्रो अधिवेशन श्री बिराट आधारभूत विद्यालय,बिर्तामोड–१० को प्राङ्गणमा सम्पन्न भएको छ। समूह अध्यक्ष कृष्णकुमारी प्रसाईको अध्यक्षता तथा बिर्तामोड–१० का वडाध्यक्ष दुर्योधन गुरुङको प्रमुख आतिथ्यतामा उद्घाटन सत्र सम्पन्न भएको हो। प्रमुख अतिथि गुरुङले समूहको ब्यानर वाचन गर्दै कार्यक्रमको उद्घाटन गर्नुभयो। कार्यक्रममा बिर्तामोड–१० र ३ नम्बर वडामा बसोबास गर्ने विपन्न बालबालिका,महिला तथा वृद्धवृद्धा,बिपन्न,बालबालिक पूजा चौधरी,अनारमती ऋषिदेब,उमादेबी यादव,कलन्दी ऋषिदेव,चादमनी हास्दा,सुफल सिवा, हास्दा,राधिका ऋषिदेवलाई न्यानो कपडा, स्विटर,टोपी लगायतका सामग्री वितरण गरिएको थियो। उक्त सामग्री समूहले गत दीपावली पर्वमा देउसी–भैलो खेली संकलन गरेको रकमबाट सहयोगस्वरूप प्रदान गरेको अध्यक्ष प्रसाईले जानकारी दिनुभयो। कार्यक्रममा समूहको वार्षिक प्रगति विवरण प्रस्तुत गर्दै सचिव तथा कार्यक्रम सञ्चालिका गीता चापागाईले आर्थिक कठिनाइका बाबजुद पनि समूहले हरेक वर्ष स्त्रीरोग विशेषज्ञको परामर्शमा डा. देज गौतमको नेतृत्वमा महिलाको स्...