Sarju online

बिर्तामोड,११ असोज   झापा नेत्रहिन संघको १९औं वार्षिक साधारण सभा तथा आउँदो बडादशैं,दिपावली र छठ पर्वको शुभकामना आदान–प्रदान तथा चियापान कार्यक्रम शनिबार सम्पन्न भएको छ। बिर्तामोड–३ बिर्ता बजारस्थित संघको सभा हलमा सम्पन्न कार्यक्रममा संघका अध्यक्ष होमनाथ राजबंशीको अध्यक्षता तथा बिर्तामोड नगरपालिकाका उपप्रमुख नगेन्द्र संग्रौलाको प्रमुख आतिथ्य रहेको थियो। कार्यक्रममा बिर्तामोड साना शहरी खानेपानीका अध्यक्ष मेघराज बाँस्तोला, विराट बहुउद्देश्यीय सहकारीका अध्यक्ष रुद्र सिटौला, समाजसेवी कविता घले गुरुङ, कन्चनजङ्गा इङ्गलिस स्कूल बिर्तामोडका संस्थापक डा. केशवराज न्यौपानेलगायतको सहभागिता रहेको थियो। कार्यक्रमको उद्घाटन प्रमुख अतिथि संग्रौलाले पानसमा दिप प्रज्वलन गरेर गरेका थिए। सो अवसरमा संघमा अध्ययनरत सदस्यहरू दिनेश मोची, प्रकाश खरेल र सुष्मा ढुंगेललाई जनही रु. ४ हजारका दरले छात्रवृत्ति वितरण गरिएको थियो। त्यसैगरी संघका सदस्यहरू देवेन्द्र गिरी,शेषलाल राजबंशी,सन्ध्या याङनाम,हिमाल राई,मानी ताजपुरिया,अश्विनी काफ्ले,टिका कृष्ण रिजाल,युवराज राजबंशी, अनिल मुखिया,रेबिजा खातूनलगायतलाई सेतो छडी र ब्रे...

  झापा, असोज ६  जेन-जी आन्दोलनका क्रममा घाइते भएका सात जनाले बिर्तामोडस्थित पूर्ण टुङ्ग बिर्तासिटी अस्पतालमा निःशुल्क उपचार प्राप्त गरी घर फर्किएका छन्। गत भदौ २३ र २४ गतेको प्रदर्शनमा घाइते भएका मध्ये अर्जुनधारा–११ का ३० वर्षीय गोपाल सेढाईको भने उपचारकै क्रममा मृत्यु भएको थियो। उनको छातीमा गोली लागेर २४ गते अस्पताल भर्ना गरिएको थियो। निःशुल्क उपचार पाएर घर फर्किनेमा बिर्तामोड–४ का १५ वर्षीय सुमित साह,कनकाई–३ का ३२ वर्षीय चिरञ्जीवी खनाल,बिर्तामोड–९ का १६ वर्षीय सन्देश गिरी,बिर्तामोड–४ का ५० वर्षीय राम भजन साह, हल्दिवारी–२ का २३ वर्षीय अनिष श्रेष्ठ र माई नगरपालिका–२ का २८ वर्षीय रुपेश ढुङ्गाना रहेका छन्। अस्पतालका प्रशासक विनोदकुमार बस्नेतका अनुसार आन्दोलनका घाइतेहरू एकपछि अर्को गरी आइपरेपछि अस्पतालले आकस्मिक तयारी स्वरूप १५ शैया छुट्याएको थियो। त्यस्तै,डाक्टर तथा स्वास्थ्यकर्मीलाई समेत विदामा नपठाई सतर्क अवस्थामा राखिएको थियो। उनले भने, “सवै घाइतेलाई उच्च प्राथमिकताका साथ उपचार गरिएको हो। अस्पतालले मानवीय संवेदना दृष्टिले सम्पूर्ण उपचार निःशुल्क उपलब्ध गराएको हो।”

  बिर्तामोड,४ असोज   नेपाल आदिबासी जनजाति महासंघ नगर समन्वय परिषद बिर्तामोडको चौथो अधिवेशन सम्पन्न भएको छ। अधिवेशनले आगामी तीन वर्षे कार्यकालका लागि दिपेन्द्र चौधरीलाई अध्यक्षमा सर्वसम्मत चयन गरेको छ। नव निर्वाचित पदाधिकारीमा उपाध्यक्ष सुबास तामाङ, रत्ना राजबंशी र देबी माया श्रेष्ठ, सचिव लिला गुरुङ, सहसचिव राज मुखिया र प्रभास थापा मगर, कोषाध्यक्षमा चुडाकर्ण बेघा रहेका छन्। यस्तै सदस्यहरूमा श्याम मुर्मु, धनन्जय गणेश र बिवश शेर्पा चयन भएका छन्। पाँच सदस्यीय निर्वाचन मण्डलका संयोजक कृष्ण थेवे र सदस्यहरू बिरेन मेचे, प्रेमसिंह घिसिङ, सुनिता तामाङ्ग र लक्ष्मण श्रेष्ठले परिणाम सार्वजनिक गरेका थिए। निर्वाचन मण्डलका अनुसार एक सहसचिव (महिला) र अन्य चार महिला सदस्य थप मनोनित गरी समितिलाई पूर्णता दिने जानकारी गराइएको छ। यसअघि अधिवेशनको उद्घाटन सत्र राजकुमार राजबंशीको सभापतित्वमा सम्पन्न भएको थियो। प्रमुख अतिथि नेफिन प्रदेश नं.१ का सचिव तिलक राई, नेफिन झापाका संस्थापक कृष्ण उदास, नेफिनका पूर्व अध्यक्ष प्रेम घिसिङ, जिल्ला सचिव सल्लाहाकार कृष्ण थेवे, पूर्व अध्यक्ष पदम बहादुर तामाङ, श्री...

झापा,असोज-३  तत्कालिन नेपाल आदिबासी जनजाति नेत्रहिन संघ जिल्ला कार्य समिति झापाको १५औं स्थापना दिवस शिवसताक्षी–१० माईधारस्थित किरात खिजोलुङ्ग माङ्गहिम परिसरमा भव्य रूपमा सम्पन्न भएको छ। कार्यक्रममा संघका अध्यक्ष भोज कुमार तामाङ्गको अध्यक्षता तथा प्राज्ञ सुमित्रा वाङ्गदेल चेलीको प्रमुख आतिथ्य रहेको थियो। त्यस्तै कन्काई कोटी होमका अध्यक्ष शेर बहादुर थापा, गैडे सामुदायिक बन शिवसताक्षी–१० का अध्यक्ष राम लावती,किरात खिजोलुङ्ग माङ्गहिमका अध्यक्ष भवानी बिक्रम सेलिङ्ग,शिव सताक्षी नगरपालिका न्याय समिति सदस्य दिपक कुमार पोखरेल,संघका सल्लाहकार कृष्ण थेवे र शिवकुमार राजभण्डारी,नेपाल आदिबासी जनजाति महासंघ झापा सचिव लक्ष्मण श्रेष्ठ,दोमुखा पर्यटन बोर्ड उपाध्यक्ष इन्द्र प्रसाद न्यौपाने लगायतको उपस्थिति रहेको थियो। उद्घाटन सत्रमा प्रमुख अतिथि चेलीले दिप प्रज्वलन गर्नुभएको थियो भने बिशेष अतिथि कृष्ण कुमार थेबेले  ब्यानर वाचन गर्नुभएको थियो। कार्यक्रममा संघले स्थापना गरेको झापाली आदिबासी जनजाति नेत्रहिन सहारा छात्रबृत्ति अक्षयकोषको ब्याजबाट यस वर्ष दमकस्थित सरस्वती मावि कक्षा–११ मा अध्ययनरत दृष्...

   भदौ १९,बिर्तामोड   बिर्तामोड उद्योग वाणिज्य संघद्वारा स्थापना गरिएको व्यवसायी सदस्य राहत कोषमा सहयोग जुट्ने क्रम निरन्तर भइरहेको छ । व्यवसायीको हितका लागि एक वर्षअघि सुरु गरिएको सो कोषमा हालसम्म करिब २५ लाख रुपैयाँ संकलन भएको संघका वरिष्ठ उपाध्यक्ष तथा राहत कोष संयोजक राजकुमार घिमिरे ‘राजु’ले जानकारी दिए । संघको हालको कार्यसमितिले एक करोड रुपैयाँको अक्षयकोष बनाउने लक्ष्यसहित राहत कोषको थालनी गरेको हो । यही क्रममा बुधबार हिमालय भेराइटिजकी सञ्चालक सीता अधिकारी न्यौपानेले आफ्नो जन्मदिनको अवसर पारेर २५ हजार ५ सय रुपैयाँ सहयोग गरेकी छन् । सहयोग रकम संघका संयोजक घिमिरे र महासचिव कुशल खतिवडालाई हस्तान्तरण गर्दै न्यौपानेले व्यवसायी सदस्य राहत कोष व्यवसायीका लागि उपयोगी भएको उल्लेख गरिन् । कार्यक्रममा उपस्थित उनका श्रीमान् लक्ष्मी न्यौपानेले आगामी दिनमा पनि संघलाई सहयोग गर्ने प्रतिबद्धता व्यक्त गरे । रकम हस्तान्तरण कार्यक्रममा संघका उपाध्यक्ष जीवन खड्का, सदस्यहरु केदार खनाल, रमेश घिमिरे, सुष्मा उप्रेती, सत्रुघन रौनियार, विपीन वजगाईलगायतको सहभागिता रहेको थियो ।

  भदौ १९,बिर्तामोड  नेपाली लेखक संघ झापाले पूर्वाञ्चल दैनिकका सह–सम्पादक सुरेन्द्र भण्डारीसहित चार जनालाई आमन्त्रित सदस्यमा मनोनयन गरेको छ । अध्यक्ष दयानन्द गोश्वामीको अध्यक्षतामा बसेको संघको बैठकले पत्रकार भण्डारीसँगै पत्रकार राजेन्द्र गौतम, जीआर धिताल र नारायण वहादुर बस्नेतलाई आमन्त्रित सदस्यका रूपमा चयन गरेको हो । सचिव समिरवावु कट्टेलका अनुसार सो बैठकले कनकाई नगरपालिका–९ घैलाडुब्बाका श्यामप्रसाद राजवंशीलाई कार्यसमिति सदस्यमा पनि मनोनयन गरेको छ । संघले आगामी भदौ २१ गते शनिबार गौरादह नगरपालिकाको सभाहलमा माध्यमिक विद्यालयस्तरीय कविता वाचन प्रतियोगिता आयोजना गर्ने निर्णयसमेत गरेको छ । गौरादह नगरपालिकाको सहयोगमा हुने कार्यक्रममा पत्रकार वेणुप्रसाद अधिकारीलाई संयोजक तोकिएको छ भने सचिव कट्टेल र नैना दाहाललाई सदस्यको जिम्मेवारी दिइएको छ । त्यस्तै, प्रतियोगिताको निर्णायक मण्डल साहित्यकार केशव आचार्यको संयोजकत्वमा गठन गरिएको छ । निर्णायक मण्डलमा नमूना निरौला र महेन्द्र कोइरालाको समेत समावेशीता रहनेछ ।