Sarju online

१७ चैत्र,झापा  झापा — बिर्तामोड–९ कञ्चनटोलस्थित सुभाङ्गे चोकमा स्थानीय समाजसेवी यज्ञराज श्रेष्ठको परिवारले निजि खर्चमा आफ्ना दिवंगत पिता स्व. पूर्णबहादुर श्रेष्ठ तथा माता स्व. टिकामाया श्रेष्ठको पावन स्मृतिमा एक आकर्षक तथा उपयोगी चौतारो निर्माण गरी सार्वजनिक गर्नुभएको छ। पाँचथरको सुभाङ्गमा रहेको पिताको जन्मथलोको सम्झनालाई सजिव राख्दै यात्रुहरूलाई विश्रामस्थल प्रदान गर्ने उद्देश्यले फलामे ट्रससहितको आधुनिक शैलीमा चौतारो निर्माण गरिएको हो। स्व. पूर्णबहादुर श्रेष्ठको वार्षिक पुण्यतिथिको अवसर पारेर चैत्र १६ गते आयोजित एक विशेष कार्यक्रमबीच नवनिर्मित चौतारोको वैदिक परम्पराअनुसार विधिवत उद्घाटन तथा सार्वजनिक गरिएको हो। उल्लेखनीय छ कि स्व. श्रेष्ठको गत वर्ष १०२ वर्षको उमेरमा निधन भएको थियो, जसले यस कार्यलाई अझ भावनात्मक र स्मरणीय बनाएको छ। चौतारो निर्माणकर्ता यज्ञराज श्रेष्ठको अध्यक्षतामा सम्पन्न कार्यक्रममा पाँचथर सुभाङ्ग झापा एकता मञ्चका अध्यक्ष ओमभक्त सेढाई प्रमुख अतिथिका रूपमा उपस्थित भई रिबन काटेर चौतारोको उद्घाटन गर्नुभयो। कार्यक्रममा गुरु पुरोहितद्वय दमनप्रसाद रिमाल र मनोज पौड्यालल...

  १७ चैत्र,झापा आदिवासी याक्थुङ (लिम्बुहरू) को साझा संस्था किरात याक्थुङ चुम्लुङको अध्यक्षमा गोबिन्द बहादुर लिम्बु, आङ्बुहाङ, चयन भएका छन्। झापाको भद्रपुरमा सम्पन्न १२ औं राष्ट्रिय महाधिवेशनबाट अध्यक्ष सहित ३९ सदस्यीय नयाँ संघीय कार्यसमिति निर्वाचित गरिएको हो। समितिको तीन उपाध्यक्षमा निरन्ती तुम्बापो, योगेन्द्र पालुङवा र चक्र येक्तेन अभिषेक चयन भएका छन् भने महासचिवमा अमर तुम्याहाङ चयन भएका छन्। त्यसैगरी उपमहासचिवमा भवानीविक्रम सम्बहाम्फे चयन भएका छन्। तीन सचिवहरूमा लक्ष्मण लावती (मेची भूगोल), जीवन प्रकाश सेर्मा (कोशी भूगोल) र सङ्गीता सुब्बा (लिम्बुवान भूगोल) चयन भएका छन्। कोषाध्यक्षमा कुमार जबेगु चयन भएका छन्। ताप्लेजुङ, पान्थर, इलाम, झापा, मोरङ, सुनसरी, धनकुटा, तेह्रथुम, सङ्खुवासभा, चितवन, ललितपुर, काठमाडौँ, भक्तपुर, ओखलढुङगा र कास्की जिल्लाका प्रतिनिधिहरू सहभागी महाधिवेशनबाट सदस्यहरूमा गङ्गा राई सेर्मा (झापा), धर्मराज लक्सम्बा (झापा), सरस्वती तुम्बाहाङफे (इलाम) र राम कुमार योङहाङ (इलाम) चयन भएका छन्। त्यस्तै निर्वाचित सदस्यहरूमा फूल माया नेम्बाङ (पान्थर), महेन्द्र कुमार आङदेम्बे ...

  झापा चैत्र,१० किरात याक्थुङ चुम्लुङ्ग (कियाचु) को बारहौं राष्ट्रिय महाधिवेशन आगामी चैत १२,१३ र १४ गते झापाको भद्रपुर र चन्द्रगढीमा भव्य रूपमा सम्पन्न हुने भएको छ। सो सम्बन्धमा आज झापाको चारआलीस्थित मान्द्रो रेस्टुरेन्ट एण्ड बारको सभाहलमा आयोजित पत्रकार सम्मेलनमार्फत आयोजकले विस्तृत जानकारी सार्वजनिक गरेको हो। कियाचु संघीय महासचिव निरन्ती तुम्बापोको अध्यक्षतामा सम्पन्न पत्रकार सम्मेलनमा संघीय सदस्य अमृत योङ्गहाङ्गले महाधिवेशन कियाचु केन्द्रीय समितिको आयोजना, कियाचु जिल्ला कार्य समिति झापाको व्यवस्थापन तथा कियाचु भद्रपुर नगर समितिको सह–व्यवस्थापनमा सम्पन्न हुने जानकारी दिनुभयो। उहाँका अनुसार महाधिवेशनको उद्घाटन चैत १२ गते कियाचुका संस्थापक उपाध्यक्ष, पूर्व शान्ति तथा पुनर्निर्माण मन्त्री एवं वर्तमान सल्लाहकार रकम चेम्जोङ्गको प्रमुख आतिथ्यतामा हुनेछ। महाधिवेशनअन्तर्गत चैत १३ र १४ गते चन्द्रगढीस्थित होटल डेग्लोको सभाहलमा सांस्कृतिक,सामाजिक तथा संगठनात्मक विषयमा गहन छलफल गरिनेछ। साथै, संगठनको वार्षिक तथा आर्थिक प्रतिवेदन प्रस्तुत हुनुका साथै आगामी तीन वर्षका लागि नयाँ कार्यसमिति चयन ग...

३ चैत्र,बिर्तामोड  झापा जिल्लाको बिर्तामोड नगरपालिका वडा नं. १० स्थित सिद्धिबिनायक टोल विकास संस्थामा नवनिर्मित गणेश पाञ्चायन मन्दिरमा आज विशेष धार्मिक कार्यक्रमबीच श्री पाञ्चायन गणेश भगवानको मूर्ति विधिवत रूपमा प्रतिस्थापन गरिएको छ। मन्दिर निर्माण समिति र स्थानीय सिद्धिबिनायक कृतन मण्डलीको संयुक्त आयोजनामा सम्पन्न त्रिदिवसीय धार्मिक कार्यक्रमको तेस्रो दिन शुभ साइत पारेर मूर्ति प्रतिस्थापन गरिएको हो। स्थानीय समाजसेवी स्व. महेश्वर गौतमको परिवारले दानस्वरूप प्रदान गर्नुभएको ७ धूर जग्गामा २०८१ साल जेठ ३ गतेदेखि पाञ्चायन गणेश मन्दिर निर्माण कार्य सुरु गरिएको थियो। सोही स्थानमा मन्दिरसँगै सामुदायिक सभाहल समेत निर्माण सम्पन्न भएपछि आज विशेष पूजा–अर्चना गरी भगवान पाञ्चायन गणेशको मूर्ति प्रतिस्थापन गरिएको मूर्ति प्रतिस्थापन समिति तथा स्थानीय सिद्धिबिनायक कृतन मण्डलीका अध्यक्ष पदम प्रसाद पाठकले जानकारी दिनुभयो। उहाँका अनुसार प्रतिस्थापित मूर्तिको लागत मूल्य ९८ हजार ११७ रुपैयाँ रहेको छ भने मूर्ति २७ किलो पित्तलबाट निर्माण गरिएको हो। मूर्तिमा करिब दुई फिट अग्लो गणेश भगवानको मूर्ति सहित अन्य च...

  ३० फागुन,बिर्तामोड   बिष्णु भगवती स्मार्ट स्कूल बिर्तामोड–१०,बिराटपोखरको आयोजनामा अभिभावकहरुलाई प्रशिक्षण स्वरूप बालबालिकाको समग्र विकासका लागि “एक दिवशिय अभिभावक शिक्षा कार्यक्रम–२०८२” आज सम्पन्न भएको छ। बिर्तामोड–३ स्थित काजी ब्याङ्गकेवट हलमा आयोजित कार्यक्रममा विद्यालयमा अध्ययनरत कक्षा नर्सरीदेखि कक्षा ९ सम्मका विद्यार्थीका अभिभावक, अतिथि तथा सामाजिक व्यक्तित्वहरूको उल्लेख्य उपस्थिति रहेको थियो। विद्यालयका संस्थापक प्रिन्सिपल पुण्य प्रसाद उप्रेतीको सभापतित्व तथा झापा जिल्ला प्याब्सनका बरिष्ठ उपाध्यक्ष हरिप्रसाद पाठकको प्रमुख आतिथ्यतामा सम्पन्न कार्यक्रममा बिर्तामोड–१० का वडा अध्यक्ष दुर्योधन गुरुङ्गको विशेष आतिथ्यता रहेको थियो। प्रमुख अतिथि पाठकले दीप प्रज्वलन गरी उद्घाटन गर्नुभएको कार्यक्रममा राष्ट्रप्रति समर्पित राष्ट्रिय ज्ञान बजाइएको थियो। कार्यक्रममा शैक्षिक परामर्शदाता मिनु सुबेदी र संझना खड्काले विद्यार्थीको सर्वाङ्गीण विकासका लागि अभिभावकले अपनाउनुपर्ने व्यवहारिक शिक्षा, व्यवस्थापकीय शिक्षा, वित्तीय साक्षरता, खेलकुद, अध्ययन, कुराकानी, प्रशंसा, हौसला, सकारात्म...