मन्दिरमा घण्टी झुण्ड्याउने समाजसेवी सूर्यनारायण

गौरवती सतानुसिंह राजबंशी स्मृति प्रतिष्ठान हनुमान मन्दिरमा सूर्यनारायण राजवंशी

सुरेश आले "सर्जु" झापा 

भाद्र,१०

 बिर्तामोड, दुई वटा घन्टी किनेर राखेको छु। कति बेला कुन मन्दिरबाट घण्टी राखीदिने अनुरोध आउँछ थाहा हुदैन । त्यो बेला किन्न जान भ्याइदैन ल्याएर घरमै राखेको छु । सूर्य नारायण राजवंशीले भेटमा भनेका कुरा हुन् यी। स्थानियले मन्दिरमा केही सहयोग गरिदिने आग्रह गर्दा उनले भने घण्टी राखीदिने प्रतिबद्धता ब्यक्त गर्छन्। स्थानिय मन्दिरहरूमा घण्टी झूण्ड्याई दिदा सूर्यनारायणको खुशीको सिमा रहदैन । हुन पनि हो हाम्रो समाजमा मन्दिर एउटाले निर्माण गर्छ त्यसपछि अन्य थप सहयोगहरु क्रमश:अरुहरुलेनै गरिदिने प्रचलन छ। यसै क्रमलाई निरन्तरता दिदै आएको सूर्यनारायनले ब्यक्त गरे। 

प्रतिष्ठानको शिव मन्दिरमा आफूले प्रदान गरेको घण्टी संग सूर्य नारायण

बिर्तामोड-३ सतानुबारी सैनिकमोड निवासी सूर्य नारायण राजबंशी त्यत्ति ठूला दानवीर होइन भन्छन् । समाजलाई सानो सहयोग गर्ने इच्छा मुताबिक मन्दिर समितिको अनुरोध र आग्रहलाई  स्विकार्दै र कतिपय मन्दिरमा आफैले पनि प्रस्ताव गरेर उनले आफू बसोबास गरेको स्थान वरपरका मन्दिरहरुमा ०६४ सालदेखि निजी लगानीमा घण्टी झुण्ड्याउने कार्यमा अग्रसर छन् । बि.स.०६४ सालमा सतानुबारी सैनिकमोडको बिर्तामोड -३ गौरवती सतानुसिंह राजबंशी स्मृति प्रतिष्ठान भित्रको हनुमान, राधाकृष्ण, शिव मन्दिर प्रत्येकमा १-१ वटा घण्टी राखिदिएका थिए। त्यो उनको मन्दिरमा घण्टी  राखिदिने पहिलो प्रयास हो। त्यस पश्चात क्रमश: उनले बिश्व हिन्दु महासंघ बिराटपोखरी  बिर्तामोड-३ को बिराटपोखरी स्थित ज्योर्तिलिङ्ग पाञ्चायन पंचमूखी शिव मन्दिरमा, देवी पाञ्चायन काली मन्दिर  बिर्तामोड-९ नरियाबारीमा, ग्रामकाली मन्दिर बिर्तामोड-३ आफन्तटोलमा घण्टी राखिदिएका हुन्। सानो ठूलो आफ्नो प्रयासले मन्दिरहरूमा घण्टी झुण्ड्याईदिने उनको यो ईच्छा बढ्दै जादैछ । अन्य मन्दिरहरुमा यस्तो प्रस्ताव आईरहेको पनि उनी सुनाउछन् र आफू  सो कार्यमा तत्पर रहेको बताए।

विराटपोखरी स्थित पंचमुखी ज्योर्तिलिङ्ग . मन्दिरमा सूर्य नारायणद्वारा प्रदान गरिएको घण्टी

  बिश्व हिन्दु महासंघ झापा शाखा बिराटपोखरीका अध्यक्ष मोहन उप्रेतीले सूर्यनारायणको सहयोगको प्रशंशा गरेकाछन् र सम्मान स्वरूप उनलाई सार्बजानिक कार्यक्रम गरिएको समयमा दोसल्ला ओढाएर सम्मान गरिएको पनि बताए। त्यसै गरि देवी पाञ्चायन मन्दिर र ग्रामकाली मन्दिरको तर्फबाट पनि सूर्यनारायण राजबंशीलाई समाजसेवीको रुपमा सम्मान गरिएको देवी पाञ्चायन मन्दिर समितिका उपाध्यक्ष रबिन बुढाथोकीले र ग्रामकाली मन्दिर समितिका उपाध्यक्ष  त्रिलोचन आचार्यले जानकारी दिए। त्यति मात्र होइन उनले अन्य धार्मिक कार्यमा समेत सहयोग गर्ने गरेका छन् । त्यसै गरि गौरवती सतानुसिंह राजवंशी स्मृति प्रतिष्ठानका कोषाध्यक्ष रण बहादुर राजबंशीले पनि उहाँले देखाउनु भएको सामाजिक सद्‌भावको प्रशंसा गरेका छन् ।

नरियाबरी स्थित पाञ्चायन देबी मन्दिरमा सूर्यनारायण राजबंशीले प्रदान गरेको घण्टी

 

सैनिकमोड वरपर स्थानिय मन्दिरहरूमा सूर्यनारायनले झुण्ड्याएको घण्टी बज्छ त्यसो त सूर्यनारायणले मात्र  ति मन्दिरहरुमा घण्टी झुण्ड्याएका छैनन् ।अन्य सामाजिक ब्याक्तिहरुको सहयोग यथेष्ठ छ । तथापि मन्दिरमा घण्टी झुण्डयाउने क्रेज सूर्यनारायणको अलिक बढी नै देखिन्छ। यस्तो सानो तिनो कार्यको ठूलो रुपमा प्रचार प्रसार नगरिदिन पनि उनले आग्रह गरे। तथापि उनको योगदानको कदर भने गर्नै पर्छ ।

मन्दिरहरूमा घण्टी झुण्ड्याउने घण्टीको आवाज त्यहाँ सुनाउने प्रचलन आदि काल देखि प्रारम्भ भएको हो यसमा बिभिन्न धार्मिक तथा बैज्ञानिक कारणहरु छन् । प्रसिद्ध पशुपतिनाथ ,पाथिभरा मन्दिर लगायत सबै देव देवीको मन्दिरहरूमा दर्शन गर्न जानेले सर्बप्रथम मन्दिरहरूमा उपस्थितिको लागि घण्टी बजाउने चलन छ । यो प्रचलन हिन्दु परम्परामा पुरानो पौराणिक चलन हो।

६५ वर्षका सूर्यनारायण श्रीमति उमा  राजबंशी सहित  बिर्तामोड-३ सतानुबारी सैनिकमोड सैनिक बजार जाने सडक खण्डमा सामान्य चिया नाश्ताको होटल संचालन गरि बसोबास गर्दैछन्।