नाला जाम हुँदा बिर्तामोडको पच्चिस पसलमा क्षति
११ असार, बिर्तामोड
बिर्तामोड स्थित विशाल मार्केट र प्रसाईं मार्केटका दुई दर्जन भन्दा बढी पसलमा पानी पसेपछि बिक्रीका लागि राखिएका सामग्रीहरुमा क्षति पुगेको हो ।
जम्मा गरेर बिशाल मार्केटका अठार र प्रसाईं मार्केटका आठवटा पसलमा पानी पसेको बिर्तामोड उद्योग वाणिज्य संघका महासचिव कुशल खतिवडाले जानकारी गराए उनका अनुसार पसलमा पानी पसेपछि हरेक व्यवसायीहरुलाई २० हजारदेखि डेढ लाखसम्म क्षति पुगेको भनाई छ । कपडा, जुत्ता, धागो, कस्मेटिक पसलहरुमा क्षति पुगेको खतिवडाले जानकारी दिए ।
पानीले क्षति पुगेपछि बिर्तामोड नगरपालिकालाई जानकारी गराइएको खतिवडाको भनाइ छ भने ड्रेन (नाला) जाम भएकाले पानी निकास नहुँदा पसलहरुमा पानी पसे र क्षति भएको बताइएको छ । उनले सबै व्यवसायीहरुलाई क्षतिको विवरण जानकारी गराउन आग्रह गरेको समेत बताए ।
अविरल वर्षापछि व्यवसायीहरुको व्यापारस्थलमा पानी जम्दा आज दिनभरको व्यापार पनि प्रभावित भएको वाणिज्य संघका सदस्य शत्रुघनप्रसाद गुप्ताले बताए।
Comments
Post a Comment