झापामा बाबुको किरिया बसेका छोराको निधन

१५ साउन,झापा 

आफ्नो स्वर्गीय बुवाको १३ दिनको काज किरियामा बसेका झापा शिवसताक्षीका एक व्यक्तिको निधन भएको छ । बुबाको काज किरियाको आठौं दिनमा उनको मृत्यू भएको हो।

शिवसताक्षी नगरपालिका वडा नम्बर ११ प्रणामी मन्दिर उत्तरका ४५ वर्षीय गणेश घिमिरेको बुबाको किरिया बसेकै समयमा निधन भएको हो ।

काजकिरिया बसिरहेको अवस्थामा घिमिरेलाई अचानक पेट दुखेर उपचारका लागि आइतबार विराटनगर लगिएको थियो । उनको उपचारकै क्रममा सोमबार साँझ निधन भएको हो ।

सवारी दुर्घटनामा परी घाइते बुबा दिलबहादुर घिमिरेको साउन ७ गते उपचारका क्रममा निधन भएको थियो । बुवाको आठौँ दिनको काम गर्दागर्दै जेठा छोरा गणेशको निधन भएको परिवारिक श्रोतले जनाएको छ।