सरुवा भएका एसपी केसी र डिएसपी बिष्टको बिर्ताबजारमा भव्य बिदाई



१६ बैशाख, झापा

प्रहरी चौकी व्यवस्थापन समिति अनारमनी-३ बिर्ताबजारको आयोजनामा झापा जिल्ला प्रहरी प्रमुख एसपी मिलन केसी र इलाका प्रहरी कार्यालय बिर्तामोडका प्रमुख डिएसपी प्रकाश बिष्टलाई बिर्ताबजारमा आयोजित विशेष कार्यक्रममार्फत बिदाई गरिएको छ। सरुवाका क्रममा झापाबाट अन्यत्रै जान लागेका दुबै प्रहरी अधिकृतलाई विभिन्न राजनीतिक दलका प्रतिनिधि, नेपाल रेडक्रस सोसाइटी बिर्तामोड शाखा, विभिन्न संघसंस्था, समाजसेवी तथा स्थानीय बुद्धिजीवीहरूको सहभागितामा सम्मानसहित विदाइ गरिएको हो।

कार्यक्रम प्रहरी चौकी व्यवस्थापन समिति अध्यक्ष बिरन कुमार कोइरालाको अध्यक्षता तथा बिर्तामोड वडा नं. ३ का वडा अध्यक्ष मदन कुमार बुढाथोकीको प्रमुख आतिथ्यतामा सम्पन्न भयो। कार्यक्रममा नेपाली कांग्रेस झापाका कोषाध्यक्ष एवं मेची आँखा अस्पतालका अध्यक्ष जल कुमार गुरुङ, नेकपा बिर्तामोड नगर अध्यक्ष भोजराज सिटौला, केन्द्रिय तरुण दल सदस्य सजेश शिवाकोटी, साना शहरी खानेपानी अध्यक्ष मेघराज बाँस्तोला, नेकपा माओवादी केन्द्रका इन्चार्ज अरुण श्रेष्ठ, नगर अध्यक्ष मोहन सुब्बा, नगर सचिव जगन्नाथ भट्टराई, वडा अध्यक्ष तुलसी ढकाल, राप्रपा अध्यक्ष लक्ष्मी गौतम, नेकपा एमालेका कोशिष घिमिरे, रेडक्रस बिर्तामोडका अध्यक्ष मनोज अग्रवाल, रास्वपाका श्याम पाठक तथा वडा सदस्य हरि बाँस्कोटा लगायतको उल्लेखनीय उपस्थिति रहेको थियो।

कार्यक्रममा वक्ताहरूले एसपी केसी र डिएसपी बिष्टले झापामा पुर्‍याएको योगदानको प्रशंसा गर्दै आगामी कार्यकालका लागि शुभकामना व्यक्त गरे। बिर्तामोड नगर कांग्रेस अध्यक्ष भोजराज सिटौला र वडा अध्यक्ष मदन बुढाथोकीले विशेष मन्तव्य राखेका थिए। बिदाइमा दुवै अधिकृतले झापामा बिताएका अनुभव सुनाउँदै सबैको सहयोगप्रति आभार व्यक्त गरे। उनीहरूलाई मायाको चिनोसमेत प्रदान गरिएको थियो।

चौकी व्यवस्थापन समितिका उपाध्यक्ष प्रभात मास्केले स्वागत गरेको कार्यक्रमको सञ्चालन मनोज घिमिरेले गरेका थिए।


Comments

Popular posts from this blog

बिर्तामोड-१० ठूटेबरमा मोटरसाईकल दुर्घटना,अनिषको मृत्यु

बिर्तामोड-१० मा खुकुरी प्रहारबाट दुईजना घाईते, घाईतेलाई घोपा रिफर

बिर्तामोड-९ को भत्किएको कल्भर्टमा मोटसाईकल दुर्घटना,एकजना घाइते