बिराटपोखर टोल विकास संस्थाको अध्यक्षमा खगेन्द्र संग्रौला सर्बसम्मत

२० बैशाख,झापा

बिर्तामोड-३ स्थित बिराटपोखर टोल विकास संस्थाको तेस्रो साधारण सभा तथा पहिलो अधिवेशनबाट खगेन्द्र संग्रौला सर्वसम्मत रूपमा अध्यक्षमा निर्वाचित भएका छन्। नौ सदस्यीय  कार्यसमिति समेत चयन गरिएको उक्त अधिवेशनले आगामी दुई वर्षका लागि नयाँ नेतृत्व चयन गरेको हो।

निर्वाचन मण्डलका संयोजक केशव प्रसाईले अन्य पदाधिकारीको घोषणा गर्दै उपाध्यक्षमा अर्जुन उप्रेती, सचिवमा दिपेश प्रसाई, सह-सचिवमा लुखी राम सोरेन, कोषाध्यक्षमा संगिता थापा तथा सदस्यहरूमा सोमनाथ अधिकारी, साबित्रा राजबंशी, श्रृजना खतिवडा र फूलचन मर्डी सर्वसम्मत रूपमा चयन भएको जानकारी दिए।  मण्डलमा महेन्द्र शिवाकोटी र कुमार बुढाथोकी पनि सदस्य थिए।

अधिवेशनअगाडि अध्यक्ष मन प्रसाद उप्रेतीको अध्यक्षता र बिर्तामोड -३ का वडाध्यक्ष मदन बुढाथोकीको प्रमुख आतिथ्यमा उद्घाटन सत्र सम्पन्न भएको थियो। सो अवसरमा संस्थाको वार्षिक प्रगति प्रतिवेदन सचिव पर्शुराम कडरियाले प्रस्तुत गरेका थिए।

प्रगति प्रतिवेदन अनुसार टोलका विभिन्न स्थानमा ६ वटा ३० वाट क्षमताका सडक बत्तिहरू जडान गरी रात्रिकालिन आवत जावत सहज गरि सुरक्षा सुनिश्चित गरिएको, सडक मर्मत तथा स्तरोन्नति, ड्रेनेज सुधार, भौतिक संरचना निर्माण र विभिन्न गोष्ठी सेमिनारमा सहभागिता जनाइएको उल्लेख गरिएको हो। आगामी योजनामा थप सडक बत्ती विस्तार, सडक कालोपत्रे वा पेभर ब्लक ओच्छ्याउने, अधुरा पूर्वाधार सम्पन्न गर्ने, र स्थानीय तथा दातृ निकायसँग समन्वयलाई सशक्त बनाउने योजना रहेको बताए भने  कोषमा खर्च भएर जगेडा पूँजी बापत रु.अठार हजार सातसय पचपन्न रहेको समेत बताए ।

प्रमुख अतिथि बुढाथोकीले पानसमा दिप प्रज्वलन गरि उद्घाटन गरिएको कार्यक्रमका  बुढाथोकीले टोलको सडक विकासमा चाँडै पेर्भस ओच्छ्याउने प्रतिबद्धता जनाउँदै बिर्तामोड-३ का अन्य टोलहरूमा पनि समानुपातिक बजेट बिनियोजनमार्फत विकास कार्य अगाडि बढाइएको बताए।

कार्यक्रममा विभिन्न संघसंस्थाका प्रतिनिधि, समाजसेवी तथा स्थानीय नेतृत्वको उपस्थिति साथ बिर्तामोड-३ वडा सदस्य हरि बाँस्कोटा, बिराटपोखरी बहुउद्देश्येय बिकाश समिति अध्यक्ष इन्द्र प्रसाई, विश्व हिन्दु महासंघ झापा अध्यक्ष मोहन उप्रेती, संस्थाका पूर्व अध्यक्ष सन्तोष उप्रेतीले शुभकामना मन्तब्य राखेको कार्यक्रममा बिर्तामोड-३ वडा सचिव भिम  अधिकारी, एमाले बिर्तामोड-३ अध्यक्ष कोशिष घिमिरे, बिराट सरोबर बिकाश समितिका सचिव जगनाथ भट्टराई, पूर्व पार्चाय देबेन्द्र गौतम, देबी प्रसाद गौतम लगायतको उपस्थिति रहेको हो ।

उद्घाटन सत्रको स्वागत मन्तव्य उपाध्यक्ष खगेन्द्र संग्रौलाले दिएका थिए भने सञ्चालन सचिव परशुराम कडरियाले गरेका हुन्।