मणी थापा : बिदेश देखि बिराटपोखरमा कोल्ड स्टोर सम्म

३० कात्तिक,झापा

बिर्तामोड,मासिक १ लाख रुपैंयाको बिदेशको जागिर छोडेर स्वदेश फर्किएको बिर्तामोड-१० बिराटपोखरका मणी थापाले बताएका छन् । पैसै कमाउने मात्र उद्देश्य राखेको भए म आज पनि बिदेशमै हुन्थे तर स्वदेशमै केही गर्नुपर्छ भन्ने भावना बिदेश जानु भन्दा पहिल्यै मणीले बनाएको सुनाए। यही सोंचलाई मूर्त रूप दिन आज भन्दा तीन बर्ष अगाडी आफ्नै क्षेत्र बिराटपोखरमा कोल्ड स्टोर मार्फत ब्यापार शुरु गरेको उनको भनाई छ । बिदेश उड्नु भन्दा अगाडी बनाएको सोंच नै मेरो यस क्षेत्रमा भैरहेको ब्यापारको श्रोत हो उनी भन्छन्  बिदेश बाट फर्कने लगत्तै मैले यो ब्यापार शुरु गरेको हुँ।

झापा जिल्लाको प्रमुख ब्यापारिक केन्द्र बिर्तामोडबाट साढे तीन किलो मिटर तल सैनिक बजार जाने बाटोको बीच बिराटपोखरमा एउटै मात्र कोल्ड स्टोरको पसल खोलेर मणी बसेका छन् । गाउँले बातावरणमा कोल्ड स्टोर संचालन गरेर गुजारा गर्नु असंभव जस्तै हो तथापि उनले यै ब्यबासय रोजेका छन् र यसैलाई बृद्धि बिकाश गर्न दिन रात लागिपरेका छन् । यो ठॉउमा अरुको यस्तो किसिमको ब्यापार छैन।

कतारमा बैदेशिक रोजगारीको क्रममा करिव १८-१९ बर्ष बिताएका मणीले बिदेशबाट फर्के पछि कृषिमा लगानी गर्ने सोच पनि बनाएको सुनाए । तर देशको वातावरण निती कृषिमा लगानी गर्ने उपयुक्त नभएर उनी यो ब्यवसायमा आर्कषित भएको बताए ।२०७७ सालमा उनले बिराटपोखरमा कोल्ड स्टोर खोलेका हुन्।  भबिष्यमा उनी यसै क्षेत्रमा होम स्टेको अवधारणा सहित काम गर्ने लक्ष्य रहेको बताए।

४० बर्षे युवा मणी थापाले अब बिदेश जाने सोंच त्यागेको र यै  ब्यबासायलाई पर्वद्धन गर्ने सोंच बनाएका हुन् ।  मासिक ३०-४० हजारको आम्दानीले १ छोरा,१ छोरी र श्रीमति सहित बुबा आमाको घर खर्च चलाएर उनी यसै ब्याबसायमा कसरी अगाडि बढ्ने भन्ने सोंच सहित भविष्यको कल्पनामा छन्। ब्यापारकै  सिलसिलामा केही ब्याक्ति र नेपालकै केही कम्पनीले सहयोग गरेकोमा मणी खुशी देखिन्छन्। बैदेशिक रोजगारबाट स्वदेश फर्कनेहरुलाई सरकारले सक्दो सहयोग गर्नुपर्छ उनी भन्छन् । मणीको यो खुशीपनाले बिदेशको कमाईले स्वदेशमा पनि केही गर्न सकिन्छ भन्ने उदहारण गाउँमा दिएको छ ।