बिर्तामोड निबासी बिष्ट हत्याको अभियोगमा दुईजना पक्राउ

 ,

१६ जेठ । गत बैशाख २६ गते झापाको बिर्तामोड नगरपालिका–४ स्थित कालिका नगरमा मध्यरातमा आफ्नै घरभित्रै विष्णुमाया विष्टको हत्या भएको थियो ।  ६८ वर्षीया विष्णुमाया विष्टको हत्या अभियोगमा दुई जनालाई प्रहरीले पक्राउ परेको छ । बिष्टको हत्या भएको २० दिन पछाडी प्रहरीले आज बिर्तामोडका २१ बर्षीय गंगा राजवंशी र २७ बर्षीय महेश राजवंशीलाई पक्राउ गरेको जनाएको हो । उनीहरु मृतक बिष्टको छीमेकी हुन् ।  प्रहरी स्रोतका अनुसार उनीहरुले हत्या आरोप स्विकार गरि सकेको जनाइएको हो। 

 हत्याराको खोजीका लागि प्रहरीको चार वटा टोली लगातार खटिएको थियो ।घटना भएपछि सिआइबीको टोली, प्रदेश टोली, जिल्ला प्रहरी र इलाका प्रहरी बिर्तामोडको प्रहरीको टोली गरी चार वटा टोलीले संयुक्त अनुसन्धान गरिरहेका थिए । बैशाख २६ गते घरमा एक्लै भएको अवस्थामा विष्ट मृत अवस्थामा भेटिएकी थिइन् । उनको खन्तीले हानेर हत्या गरिएको थियो । प्रहरीले घटनाको अनुसन्धानका लागि धरानबाट प्रहरी कुकुरसमेत मगाएको थियो । कुकुरले घरको पश्चिम दक्षिणतर्फ केही सङ्केत दिए पनि लिटल फ्लावर्स स्कुल दक्षिण पुगेपछि अलमलिएको थियो । प्रहरीले जिप्रका झापामा घटना सम्बन्धि थप तथ्य र हत्यारा सार्बजानिक गर्ने तयारी गरिरहेको जनाईएको हो।