झापामा फर्सी खेतीबाट कृषक उत्साहित,आम्दानी बढ्दै

झापा, बैशाख ५ – झापा जिल्लाका कृषकहरू फर्सी खेतीबाट उत्साहित बनेका छन्। पछिल्ला वर्षहरूमा यहाँको माटो र मौसम अनुकूल देखिएकाले फर्सी उत्पादनमा उल्लेखनीय वृद्धि भएको छ।

विशेष गरी बिर्तामोड,मेचीनगर,अर्जुनधारा, र शिवसताक्षी क्षेत्र लगायतका किसानहरूले व्यावसायिक रूपमा फर्सी खेती थालेका छन्। सिजनअनुसार एक कठ्ठामा ८०० देखि १२०० किलोसम्म उत्पादन हुने फर्सी स्थानीय बजारमा प्रति किलो २५ देखि ६० रुपैयाँसम्ममा बिक्री भइरहेको किसानहरूको भनाई छ।

कृषकहरूले पर्याप्त सिँचाइ,मल र रोग नियन्त्रणमा सजगता अपनाएका कारण उत्पादन राम्रो भएको बताएका छन्। स्थानीय तहबाट प्रविधि,बीउ तथा प्राविधिक सहायता उपलब्ध गराए अझ उत्पादनमा बृद्धि हुने संभावना छ ।

फर्सीको माग बजारमा उच्च रहेको र किसानहरूले राम्रो आम्दानी गरिरहेकाले आगामी वर्षहरूमा अझ धेरै कृषकहरू यो खेतीतर्फ आकर्षित हुने अपेक्षा गरिएको छ।

बिर्तामोड-९ का रमेश खरेल,दल बहादर तामाङ्ग, बृहस्पति सेढाई लगायतले यस वर्ष फर्सी उत्पादनबाट राम्रो आम्दानी गरेको बताए।

बिर्तामोडको आठ र नौ वडामा हाईब्रिड फर्सीको बिउ समेत उत्पादन थालिएको स्थानिय कृषक यज्ञराज श्रेष्ठले जानकारी गराए।

झापा जिल्लामा फर्सी उत्पादन सम्बन्धि बिशिष्ट तथ्यांक फेला परेन। तथापि, झापा कृषि उत्पादनमा अग्रणी जिल्ला हो, जहाँ धान, मकै, सुपारी, तोरी र फापर जस्ता बालीहरू व्यापक रूपमा खेती गरिन्छ ।